“The Voice Australia”, kompeticioni muzikor, ku pjesë e jurisë ishte edhe artistja shqiptare, Rita Ora, është renditur ndër emisionet më të ndjekura në Australi që ka tërhequr miliona shikues.
Sezoni i fundit i programit ka përfunduar dhe fituese e tij u shpall vajza me zërin e mrekullueshëm, Bella Taylor.
Ajo nuk i ka mbajtur emocionet në finalen e të dielës kur mësoi se ajo do të fitonte kontratë incizuese me “EMI Music” dhe çmim në vlerë prej 100.000 dollarësh.
“Vërtet nuk mund ta besoj, jam shumë falënderuese”, ka thënë 23-vjeçarja në skenë.
Këngëtarja shqiptare, Rita Ora, e cila ka qenë pjesë e jurisë së spektaklit, e ka përgëzuar Bella-n, performanca e së cilës iu është dukur e pabesueshme.
Po ashtu ajo është shprehur krenare për vajzat e grupit të saj duke i këshilluar që të vazhdojnë përpara.
Me një stil unik të një diva të vërtetë, Rita është shprehur se ky spektakël dhe mikpritja që i është bërë në Australi e kanë bërë të ndihej sikur në një shtëpi të dytë.
That’s a wrap @TheVoiceAU!!Congratulations Bella!!! To my girls G-Nat!on keep going I am so proud of you!!! Everyone on the cast, crew and all of Aus I’ll never forget you making me feel so welcome like a second home ????? @jessicamauboy @KeithUrban @GuySebastian #TeamRita pic.twitter.com/anAfZ8QL2N
— Rita Ora (@RitaOra) September 12, 2021
Ndërkohë anëtarët e jurisë, Jessica Mauboy dhe Sebastian kanë firmosur sërish kontratë për të qenë pjesë e sezonit të ardhshëm, por organizatorët po punojnë për të rimarrë dhe Ritën.
Sipas mediave të huaja, asaj i është ofruar një shumë marramendëse për të qenë pjesë e tij.
“Asaj i është ofruar deri në 1 milion dollarë në sezon, që është një tarifë marramendëse. Është joshëse në një botë ku nuk ka aq shumë para për të fituar në turne gjatë Covid-19.“, tha një burim.
