Mbrëmja pas Met Gala pati disa momente vërtet të sikletshme për këngëtaren shqiptare Rita Ora.
Pasi u shfaq në tapetin e kuq të Muzeut Metropolitan të Artit në New York e veshur me një fustan ngjyrë floriri të Marc Jacobs, Rita bashkë me mikeshën e saj Kate Moss shkuan në festën që u mbajt pas mbrëmjes gala.
Por aty, këngëtares iu desh të përballej me ish-të dashurin Andrew Garfield, me të cilin u nda vetëm pak muaj më parë, pasi kaluan Vitin e Ri bashkë.
Ky i fundit mbërriti në festë me aktoren irlandeze Aisling Bea për t’u përballur jo vetëm me një ish-të dashur (Ritën) por me dy.
Aktorja e njohur Emma Stone ishte gjithashtu e pranishme në festën post Met Gala, dhe nuk e pati problem të përshëndetej me Andrew, me të cilin ka raporte të mira edhe pas ndarjes.
Mediat shkruajnë se Andrew Garfield u pa duke u përshëndetur dhe fërkuar shpatullat dy ish-eve të tij të famshme Emma Stone dhe Rita Ora të hënën mbrëma.
Andrew dhe Emma kanë mbetur miq të ngushtë që nga ndarja e tyre në tetor 2015, pasi u dashuruan në filmin “Spider-Man” në vitin 2011.
Me Ritën, situata ishte më delikate pasi pas ndarjes me të, u tha se këngëtarja e përjetoi keq. Aktori i kërkoi një jetë më private Ritës, me të cilën kishte vetëm 4 muaj që po dilte dhe gjithçka mori fund.
Megjithatë situata duket se u përballua me sukses nga Andrew, dhe nuk pati ndonjë hatërmbetje nga ana e Ritës, me sa dimë!
