Rita Ora është vënë në qendër të mediave botërore për veshjet e saja në “MTV EMA-s”. Ajo fillimisht u shfaq u shfaq e veshur me një rrobdeshambër, me make-up dhe aksesorë, gjë që habiti publikun. E gjithë ideja e kësaj veshjeje ishte se Rita supozohet të mos ishte bërë dot gati për eventin dhe nga shpejtësia ashtu siç ishte në shtëpi u shfaq.
Të gjithë shqiptarët e komplimentuan Ritën për këtë gjetje, por ka qenë moderatorja shqiptare Roza Lati e cila u revoltua dhe u ka thënë disa fjalë në “Instagram” ndjekësve të saj.
Përpara pak ditësh ajo kreu një set fotografik e veshur me peshqir, gati me të njëjtin look si të Ritës dhe një sërë komentuesish e ‘kryqëzuan’ për faktin se si ajo kishte veshur edhe peshqir dhe ishte lyer në fytyrë ku supozohet të dukej natyrale me atë kombinim që kishte zgjedhur.
“E kam bërë dhe unë këtë! Rita Ora mbrëmë në MTV European Red Carpet me robdishan, aksesorë dhe make up. Ndërkohë fotot e mia të javës së kaluar me të njëjtën gjë, disa mediokër i keqinterpretuan ‘Pse Roza me peshqir dhe make up!’ Sa për fiksim, Rita është Rita, ok. Por arti është art!” – ka shkruar Roza.
