Këngëtarja me origjinë shqiptare, Rita Ora pak javë më parë nisi turin e saj “Girls”, i cili deri më tani ka qenë shumë i suksesshëm dhe biletat janë shitur shumë shpejt.
Por me sa duket jo gjithçka ka shkuar shumë mirë, pasi Rita javën e kaluar për shkak të një gjendjeje jo të mirë shëndetësore ka anuluar një koncert. Nëpërmjet një video në Twitter Rita iu ka kërkuar falje fansave të saj për koncertin që anuloi javën që lamë pas.
— Rita Ora (@RitaOra) May 19, 2018
Mirëpo fansat nuk e kanë mirëkuptuar fare këngëtaren shqiptare, madje u shprehën të revoltuar ndaj saj nisur nga fakti që ajo vetëm 2 ditë më parë ishte parë duke festuar me miqtë e saj.
Ata e kritikuan duke i thënë se kishin prerë biletat dhe ajo nuk mund t’i mashtronte dhe pastaj të festonte me miqtë e saj.
Pavarësisht se Rita e shpreh mjaft qartë në video se doktorët i kanë kërkuar të pushojë sepse është me risk të lartë në qoftë se ajo do të performojë në skenë, përsëri fansat nuk e kanë mirëkuptuar.
