Të shtunën, publikimi i albumit “Lemonade” të Beyonce hapi misterin se kush ishte “Becky me flokët e bukur”, të cilën shumë e interpretuan si femra me të cilën Jay Z tradhtoi bashkëshorten e tij.
Fillimisht u targetua dizajnuesja Rachel Roy, e cila bëri sqarimin se nuk flitej për të. Dhe Rita Ora ishte e radhës, pasi dolën fotot e saj me fustanin “Gucci” që Beyonce veshi në këngën “Formation”, si dhe fotos ku këngëtarja nga Kosova u shfaq me një palë reçipeta me një dizajn limoni dhe një varëse me shkronjën R, por që dukej si J mbrapsht.
Por Rita Ora vendosi dje që të thyente heshtjen lidhur me thashethemet. Përmes një postimi të bërë në rrjetin social “Twitter”, këngëtarja ka shprehur respektin e madh që ka ndaj Beyonce.
Ajo ka shkruar: “Unë kurrë nuk iu kthej përgjigje thashethemeve në mediat rozë por më lejoni të jem e qartë, këto thashetheme janë të pavërteta”. Ndërsa më pas shtoi: “Unë kam një respekt të madh për Beyonce, kështu që le të vazhdojmë ta shijojmë “Lemonade”.
Burimi: Elle
