Ylli shqiptar, Rita Ora është kthyer në origjinë dhe ka zbuluar për fansat disa nga kritikat që nëna e saj i bën teksa ishte duke u ushtruar në palestër.
“Djema, mamaja e ime do të thoshte ‘është shumë e rëndë, ‘po doni me ngajt, hajt ngaj’,” thotë Rita. Këto fjalë ngjallin ndjesinë e një lidhjeje të ngushtë dhe përkujtimin e këshillave të përditshme që ajo ka marrë nga nëna e saj.
Rita Ora, interpretuese e hitit “Anywhere”, nuk e ka zakon të bëjë biseda publike në gjuhën shqipe për shkak të mos folurit rrjedhshëm, pasi, edhe pse ka origjinë shqiptare, është rritur në Londër që nga mosha një vjeçare, ku ka zhvilluar edhe karrierën e saj muzikore.
Prandaj, kur flet shqip, ajo bën kujdes, por pavarësisht kësaj, ka zgjedhur të ndajë me botën anën e saj më personale dhe të lidhur ngushtësisht me rrënjët e saj shqiptare.
