Nga një koncert te ceremonia e ndarjes së çmimeve dhe më pas me nxitim për një sfilatë në një tjetër shtet. Jeta e Rita Orës është kaq e mbushur me angazhime dhe suksese, por këngëtarja me origjinë shqiptare ka vendosur që mos të ndalet vetëm te muzika.
Përveç projekteve të reja dhe sukseseve në muzikë, ka vendosur të eksperimentojë edhe në fushën e biznesit.
Rita tashmë do t’i përkushtohet modës, ndërsa pritet që më 3 mars të dalë në treg koleksioni i veshjeve, i quajtur: “Roara Republic”.
Bëhet fjalë kryesisht për veshje sportie, që janë edhe të preferuarat e këngëtares shqiptare.
Koleksioni përfshinë triko me kapuç ose jo dhe kapela, të cilat të gjitha kanë të qëndisur emrin e markës “Roara Republic”, “London” ose dhe “Hero”. Veshjet janë uniseks, ndërsa variojnë nga 25 – 55 paund.
Rita, e cila shpenzoi 3 vite për të bashkëpunuar për 15 koleksionet e “Adidas”, u frymëzua nga Londra dhe trendet e viteve ’90 për të realizuar një koleksion me frymë nostalgjike.
Kujtojmë se javën e 10-vjetorit të Pavarësisë së Kosovës, Ora prezantoi një koleksion për këtë event. Bluzat kushtonin 50 paund, që do të thotë 56 euro ose 7.500 lekë.
Burimi: Standard.co.uk
