Ndeshja e mbrëmshme midis Zvicrës dhe Serbisë e golat e shënuar nga dy djemtë me origjinë shqiptare kanë bërë xhiron e botës. Sigurisht se nuk kanë munguar as mbështetja dhe urimet nga personazhet e njohura të artit dhe politikës shqiptare.
Ajo që nuk mund të kalonte pa u vënë re ishte mbështetja e padiskutueshme e dy këngëtareve me origjinë shqiptare, të cilat iu bashkuan triumfit të Granit Xhakës dhe Xherdan Shaqirit.
Rita Ora dhe Dua Lipa kanë bërë publike urimet e tyre në rrjetin sociale “Instagram”, duke treguar kështu se janë ndier krenare për suksesin e arritur nga bashkëkombasit e tyre.
Të dyja këngëtaret me famë botërore kanë treguar edhe një herë se nuk e harrojnë se janë me origjinë shqiptare dhe se ndihen krenare për çdo sukses të bashkëkombëseve të tyre.
