Më në fund, dy këngëtaret me origjinë shqiptare Rita Ora dhe Bebe Rexha. do të sjellin bashkëpunimin e tyre të parë. Por dy vajzave me origjinë shqiptare do t’i bashkohet edhe reperja më e dashur e momentit Cardi B si dhe Charlie XCX.
Në një postim në “Instagram”, Rita Ora bëri të ditur se super bashkëpunimi i këngëtareve do të publikohet në 11 maj.
“Jam shumë e lumtur t’ju njoftoj se shumë shpejt do të publikohet kënga me titull “Girls” në bashkëpunim me disa femra të mrekullueshme që më frymëzojnë kaq shumë” – shkruan Ora.
“Your Song” dhe “Anywhere” ishin dy këngët e fundit të publikuara nga Rita Ora në vitin 2017, pas një periudhe pushimi në muzikë.
