Rita Ora dhe Bebe Rexha e kanë shprehur prej kohësh dashurinë për njëra-tjetrën. Kujtojmë se para eventit të “MTV EMAs”, Rexha kishte një mesazh me disa këshilla për bashkëkombësen e saj, pasi ishte ajo shqiptarja e parë që prezantoi eventin më të rëndësishëm të muzikës.
Në video, Bebe i thoshte Ritës ndër të tjera të kishte kujdes me projektorët në prapaskenë se ishin të shumtë.
Nga ana tjetër Rita Ora na dëshmoi mbrëmjen e së dielës se nuk është vetëm një këngëtare e zonja, por edhe një moderatore perfekte: arriti të menaxhonte 13 veshjet, performancën dhe fjalimin e saj. Na la të gjithëve pa fjalë!
Në postimet e saj kishte mijëra komente, por ajo që na tërhoqi vëmendjen ishte pikërisht ai i Bebe Rexhës. Kjo e fundit i shkroi: “Mbyte! Të dua!”.
Por a e keni pyetur ndonjëherë veten pse nuk e keni parë kurrë bashkë Rita Orën dhe Dua Lipën?
E ka një arsye për këtë!
Ndonëse ato nuk kanë dalë asnjëherë hapur, janë mundur që gjithmonë ta shmangin njëra-tjetrën. Pavarësisht se kanë performuar në evente të njëjtja, rasti i fundit i skenës së “Radio 1 Teen Awards”, thuhet se dy këngëtaret mundohen që të mos ballafaqohen nëpër korridore.
Vetë Rita Ora nuk është lejuar asnjëherë që të pyetet për këngëtaren me të njëjtën origjinë. Gjatë intervistës për TRL në fillim të tetorit ajo nuk përmendi në asnjë moment emrin e bashkëkombëses.
Dhe është vërtet i çuditshëm fakti që ajo nuk ka folur në asnjë rast, për asnjë moment dhe asnjë arsye, për Dua Lipën.
Nga ana tjetër, nuk ka ndodhur e njëjta gjë për Lipën. Ajo jo vetëm që ka folur për të, por e ka cilësuar pak kohë më parë si një shembull që e ka marrë model. Dua u bë e fiksuar me muzikën pop dhe u regjistrua në Shkollën e famshme të Teatrit Sylvia Young, ku Rita Ora është diplomuar.
Një vit më parë më 8 shkurt të 2016-s, Dua Lipa foli për Orën, gjatë medias zvicerane “20min.ch”.
“Kushdo që vjen nga Kosova më bën krenare. Kemi origjinën e njëjtë. Fatkeqësisht unë nuk jam takuar ende me Ritën. Zakonisht nuk krahasohem me të, por shumica e njerëzve më krahasojnë me Lana Del Rey. Sepse kemi të njëjtin menaxher “, tha ajo.
Gjatë një intervistë për “The Times” në shkurt të 2017-s, përmendej edhe këngëtarja e lindur në Prishtinë, Rita Ora, “e cila është e famshmja më e njohur e atdheut në të gjithë botën”. Edhe pas një viti këngëtaret nuk ishin takuar ende!
“Lipa nuk e ka takuar, por Ora është një shembull i rëndësishëm për të: “Të shoh se ku është duke arritur. Rita është e para që arriti këtë famë”. A mundet Lipa që të bëjë një famë më të madhe?”, kështu shkruhet në shkrimin e “The Times”.
Por si ka mundësi që dy këngëtaret nuk janë takuar ende edhe pse kanë qenë në të njëjtat evente?
Sipas burimeve të ndryshme thuhet se Rita dhe Dua kanë një “konflikt” dhe nuk flasin me njëra-tjetrën. Arsyeja thuhet se është fakti që Dua i kërkoi ndihmë në fillim të karrierës këngëtares së “Hot right now”, por kjo e fundit nuk u shpreh e gatshme për ta mbështetur.
Ndërsa Dua Lipa arriti të bënte karrierë gjatë këtij viti, thuhet se është pikërisht ajo tashmë që nuk preferon të flasë apo të përballet me Rita Orën.
Shpresojmë që një ditë këngëtaret me origjinë nga Kosova të gjejnë mirëkuptimin dhe pse jo t’i shohim në një bashkëpunim.
