Mbrëmjen e kaluar, ‘Big Brother VIP Kosova’ ofroi një natë të mbushur me emocione të papritura dhe ngjarje misterioze, që kanë shpërthyer menjëherë në rrjetet sociale. Xheneta u rendit si banorja me më shumë vota për t’u eliminuar, por natën e mbrëmshme rezervoi një tjetër surprizë për publikun.
Xheneta mori një biletë të kthimit dhe u rikthye në shtëpi, duke shkaktuar të papritura dhe dyshime mes fansave të spektaklit. Spekulimet për mundësinë e një manipulimi të mundshëm shpërthyen menjëherë në rrjetet sociale. Përdoruesit e platformave të ndryshme vërejtën një detaj të çuditshëm: kutia e biletës duket se ishte hapur më parë, duke ngjallur dyshime për mënyrën se si Xheneta kishte zbuluar përmbajtjen e saj.
Ajo vetë krijoi më shumë paqartësi kur tha se, përpara se të hapte biletën plotësisht, kishte lexuar një pjesë të saj ku shkruhej “Ti kthehesh në shtëpi”.
