Elsa Lila do të kthehet në muzikë më shpejtë nga sa të gjithë e prisnim.
Disa muaj pasi u pushuan të gjitha akuzat kundër saj dhe u shpall e pafajshme, artistja e njohur do të marrë pjesë në Festivalin e Këngës.
Lajmin e ka bërë me dije vetë Elsa në Instagramin e saj ku shkruan:
“Ju falenderoj të gjithëve për suportin që më jepni! Shihemi së shpejti me datë, 19, 20, 21 dhe 22 Dhjetor në skenën e Pallatit të Kongreseve. #Fest61 po vjen!”
Ajo do të konkurrojë me këngën e titulluar “Evita”.
Kujtojmë që Elsa Lila u arrestua në mars te këtij viti pasi dyshohej për përfshirje në një organizatë kriminale, por pas hetimeve dhe provave këngëtarja u shpall e pafajshme.
Rikujtojmë se Elsa Lila është një figurë shumë e njohur për publikun shqiptar. Ajo ka kultivuar muzikën shqipe dhe italiane me elementet arbëreshe. Ajo kishte treguar talentet e saj të këndimit dhe aktrimit që kur ishte fëmijë në emisionet televizive shtetërore shqiptare dhe fitoi konkursin kombëtar të këngëve shqiptare 2 vjet me rradhë ndërsa ishte në vitet e adoleshencës.
Ajo debutoi për herë të parë në festivalin më të madh të këngës italiane, Sanremo, në vitin 2003, ndërkohë që mori pjesë përsëri në Festivalin e Sanremos 2007.
