Einxhel Shkira moderatorja e njohur, ka prej më shumë se dy vitesh që është shkëputur nga ekrani dhe prezantimi. Megjithatë duket se ajo ka në plan të rikthehet në ekran dhe madje po punon për projektin e ri që do të sjellë.
Në një intervistë për “Bluetooth” Einxhel ka treguar se ka marrë edhe propozime për të qënë pjesë e ekranit, por të gjitha kanë mbetur vetëm fjalë në ajër.
“Oferta, fjalë, propozime, ide në ajër asgjë konkrete ose mbase s’ më kanë tërhequr mua mjaftueshëm sa për t’i parë më konkretisht si oferta” – u shpreh moderatorja.
Më tej ajo zbuloi edhe se ka për qëllim të rikthehet me një projekt të ri: “Mund të them që po punoj mbi me shumë se një projekt sepse siç e kam thënë dhe më parë, nëse do rikthehem atëherë duhet të jetë diçka e mirëmenduar. S’mund t’i zhgënjej ndjekësit e mi apo ata që presin shumë nga unë dhe nga bashkëpunëtorët e mi”.
Ndërkohë ajo zbuloi se pjesë e këtij projekti do të jetë edhe mikesha e saj, aktorja Anna Lika.
“Tashmë disi është kuptuar nga ndjekësit tanë, por asnjëherë nuk është konfirmuar nga asnjëra prej nesh, sepse është një bashkëpunëtore, në fakt dhe është mikesha ime më e mirë me të cilën kemi një kimi ”te çmendur” dhe në punë, është ajo dhe e vetmja Anna Lika!! S’mund të gjeja një bashkëpunëtore më të talentuar se ajo prandaj taksirat e kam ta duroj dhe në punë” – tregoi duke qeshur Einxhel.
