Pas dy vitesh mungesë në tregun muzikor, Tuna Sejdiu është rikthyer me këngën më të re me titull “Chonga”. Tuna u tërhoq nga muzika, për t’iu përkujdesur rritjes së vogëlushit të saj Tian.
Videoklipi i këngës “Chonga” është realizuar në Mal të Zi dhe këngëtarja ka zgjedhur të xhirojë në vende të veçanta dhe tejet kreative.
Sakaq, kënga është shkruar nga këngëtarët Seven dhe Elinel, ndërsa për muzikën është përkujdesur Darko Dimitrov.
Mirëpo çfarë do të thotë “Chonga”?
Sipas “Blitz.al”, “Chonga” është një term që rrjedh prej spanjishtes, dhe është veçanërisht i përdorur në Florida për të treguar një grua të thjeshtë e punëtore, ndonjëherë agresive dhe shpërthyese. Nga studiuesit e gjinive, konsiderohen shpesh si “ikona në zhvillim” që mund të fuqizojnë gratë e klasës punëtore.