Fjoralba Ponari dhe Olti Curri prej disa kohësh po diskutohen në media për një debat që ka lindur mes tyre.
Ata herë pas herë lëshojnë deklarata kundër njëri-tjetrit dhe e fundit është ajo e Oltit pak minuta më parë.
Teksa ditën e djeshme qarkulloi një deklaratë e Fjoralbës ku thoshte se nuk lejonte askënd ta shtrembëronte imazhin e saj, Olti Curri ka replikuar nëpërmjet një postimi në Instagram
Opinionisti shkruan se debati me të e ka bërë prezantuesen të famshme, pasi deri dje ajo njihej si zëvëndësuesja e Marinës.
“Imazh!!! Një mirazh nuk bëhet kurrë imazh!
Shikoj që Fjoralba ende gëzon dhe flet për ngjarjen më të rëndësishme të jetës së saj profesionale (sa fjalë e madhe profesion). Ngjarja që e bëra të famshme se deri në atë kohë qëndronte (çështë e vërteta me dinjitet) mes turmës së vajzave të ekranit. (Kur flitej për emisionin në mesin e publikut, gazetarëve dhe bloggereve ishte: Ajo bjondja që del me Manushin dmth jo Marina ajo tjetra.) Edhe sot që po e përmend po e nxjerr prap nga turma, ku do t’i kthehet përsëri për të mos u nxjerrë më kurrë”, shkruan Olti me ironi.
Kujtojmë se zënka midis dy personazheve të njohur ka nisur pak kohë më parë dhe herë pas here ata replikojnë në rrjetet sociale. E gjithë ‘telenovela’ ka nisur pas një deklarate të bërë nga Fjoralba gjatë emisionit “E diell”.
