Ditën e sotme, rreth 500 studentë në “Fakultetin e Historisë dhe Filologjisë” bojkotuan mësimin për të protestuar kundër Paktit për Universitetin.
Ata i kanë bërë thirrje edhe studentëve të tjerë që t’i bashkohen protestës së tyre, ndërkohë që kanë firmosur edhe peticionin për rrëzimin e Ligjit për Arsimin e Lartë.
“Exit News” ka bërë publike edhe listën me kërkesa të studentëve.
Uljen e tarifave të Universitetit
Disa studentë u shprehën në media se ata vazhdojnë të paguajnë tarifën e plotë në universitetet përkatëse. Sipas tyrë në mars të 2019 qeveria ka nxjerrë një VKM e cila ngushton rrethin e përfituesve të përgjysmimit të çmimit.
Rritjen e numrit të shërbimeve të ofruara nga Karta e studentit
Studentët u shprehën se karta e studentit ofron ulje çmimesh në shërbime të cilat nuk janë në interest të studentëve. Ata kërkojnë që në kartën e studentit të përfshihen ulje çmimesh në librari, menca studentore, fotokopje etj.
Përmirësimin e kushteve në konvikte dhe auditore
Studentët u shprehën se konviket vazhdojnë të jenë në gjendje të mjeruar. Ata kërkuan përmirësim të dhomave ku banojnë studentët. Disa studentë kërkuan dhe përmirësim të kushteve të auditoreve. Ata theksojnë se auditoret ku zhvillojnë mësim nuk kanë ngrohje, sistem ventilimi dhe as karrige mjaftueshëm.
