Reperi Gashi do të rikthehet pas 18 vitesh në Kosovë, për të qenë pjesë e ‘Sunny Hill Festival’ që do të mbahet me 11 gusht në Prishtinë. Reperi, i cili ka prekur suksesin në SHBA, shfaqet tejet entuziast për vizitën në Kosovë, ku do të takohet edhe me disa nga familjarët e tij për herë të parë.
“Nuk kam qenë në Kosovë prej 18 vitesh. Sapo njoftova që do jem atje javën që vjen mora vesh që kam shumë pjesëtarë të familjes akoma në vendlindje dhe nuk i njoh. Më keni thyer zemrën”,- shkruante Gashi, krahas fotos së publikuar në “Instagram”.
Mirëpo pak minuta më pas, reperi shqiptar vendosi ta ndryshojë përshkimin në foto: “Nuk kam qënë në Kosovë prej 18 vitesh dhe po gjej gjithë këta pjesëtar të familjes në mesazhe, 11 gusht do të jetë flakë!”
Kushdo që e ndjek në profilin e tij në “Instagram”, e di shumë mirë sesa krenar është Gashi për rrënjët e tij shqiptare dhe se në çdo moment që i jepet rasti, valëvit flamurin e Shqipërisë dhe Kosovës.
