U bënë shumë muaj që nga hera e fundit që kemi parë Arbanën në ekran. Pas përfundimit të “Dua të të bëj të lumtur” në 2020 moderatorja iu përkushtua familjes, teksa mirëpriti në jetë në muajin tetor djalin e saj të dytë, Diellin.
Mirëpo, pritja e gjatë po merr fund. Si çdo vit, edhe këtë herë sezoni i ri i emisionit “Dua të të bëj të lumtur” do të nisë transmetimin në ekran në muajin shkurt. Arbana e kishte lajmëruar prej kohësh rikthimin e saj, menjëherë pas lindjes së të voglit Diell.
Mes mëmësisë me kohë të plotë dhe angazhimeve të shtëpisë, Arbana ka gjetur mundësinë të moderojë edhe këtë vit emisionin e dashur që na ka bërë për të qeshur dhe për të qarë të gjithëve.
View this post on Instagram
Si duket ditën e sotme, është bërë regjistrimi i puntatës së parë të emisionit dhe moderatorja nuk ka ngurruar të postojë video nga studioja.
Madje ajo na ka zbuluar edhe look-un e saj në natën e parë të emisionit. Në videot e shpërndara prej saj në Instastory shihet se Arbana ka veshur një fustan të shkurtër ngjyrë bezhë, të ashtuquajtur model barbie. Krahët i ka të rënë, që e bëjnë Arbanën të duket edhe më fine.
Si përherë, moderatorja ka zgjedhur të vendosë një makeup natyral dhe flokë me onde për rikthimin e saj në ekran.
Xhirimet nuk janë aq të thjeshta sa duken në ekran. Zakonisht zgjasin me orë të tëra dhe në këto temperatura të ulëta bëhet edhe më e vështirë puna.
Por gjithsesi Arbana e ka gjetur një zgjedhje praktike dhe është pikërisht kjo:
Puntata e parë e emisionit do transmetohet më 6 shkurt dhe do i zëjë vendin “Shiko kush luan” që mbyll një sezon shumë të suksesshëm më 30 janar.
