Megjithëse i kanë munguar publikut shqiptar me projekte të reja dhe prezencën e tyre në ekran, Mr.Elvis, 2Die4 dhe Stine do të sjellin një super bashkëpunim për të cilin po punojnë prej pak kohësh.
Sipas “Panorama Plus”, kënga e re do të titullohet “Albanian vs Everybody” dhe pritet të lançohet këto ditë.
Kjo këngë, e cila ka bashkuar emrat e njohur të hip-hop-it shqiptar, me siguri do të bëjë namin pas publikimit dhe do të rikthejë në kujtesën e shqiptarëve periudhën kur hitet e tyre ishin të famshme dhe reperët ishin të preferuarit e kohës.
Gjithashtu, me artistët në këngë do të bashkëpunojnë edhe Mulah Mike dhe i riu Mc. Koha. Klipi është xhiruar në Shkozë dhe në Kombinat, ndërsa djemtë kanë realizuar edhe një poster gjigant të Dr.Florit, i cili qëndron në sfond.
Mbetet të presim publikimin e këtij bashkëpunimi, i cili me siguri do të jetë një bombë e vërtetë!
