Fundin me pala ua kemi parë nënave tona dhe të gjitha e dimë që është një nga veshjet e pandashme nga gardëroba e një femre. Ai rikthehet këtë pranverë me një mori ngjyrash dhe materialesh që do t’jua lehtësojë veshjen e përditshme.
Por nëse vendos ta veshësh do të rrezikosh pak që të mos ngjash pak e madhe në moshë. Falë kombinimeve të ndryshme, që nga atletet apo pupat gjatë ditës, tek bluzat elegante apo takat e larta në mbrëmje, fundi mund të kthehet në një aleat të çmuar, tani që temperaturat po rriten.
Modelet më të kërkuara të stinës së re shkojnë në nuancat pastel, e kuqja, e kaltra, shumëngjyrëse, me reflekse dhe të metalizuara. Ne po ju sjellim disa nga kombinimet më të veçanta që ju bëjnë të dukeni plot stil.
Me atlete
Atletet e bëjnë çdo veshje të duket më sportive dhe “casual”.
Ato ju lejojnë që një fund metalizato si ky i Jonida Maliqit të vishet me një T-shirt të thjeshtë të zezë ose të bardhë, perfekt për daljet gjatë ditës ose natës.
Me xhaketë lëkure
Transformojeni paraqitjen tuaj me një model xhakete lëkure duke u frymëzuar nga paraqitjet e sofistikuara të fashionistave si Irena Kita.
Zgjidh ngjyra të ndezura
Ngjyrat e ndezura e bëjnë edhe më të gjallë pamjen tuaj. Tani që pranvera ka ardhur, lejojani vetes kombinimet si më poshtë:
