Pasi bëri debutimin e saj në javën e modës në New York sezonin e kaluar, Rihanna do të shfaqë koleksionin e saj për pranverën e 2017-s, në javën e modës në Paris.
Këngëtarja do të shfaqë koleksionin e saj të dytë “Fenty Puma” të mërkurën më 28 shtator, në mes të “Paris Fashion Week”, ku do t’u bashkohet emrave më të mëdhenj të modës si Chanel, Louis Vuitton dhe Alexander McQueen.
“Është një ëndërr për mua që të paraqes koleksionin tim të dytë të “Fenty Puma” nga Rihanna në Paris. Iu afrova këtij sezoni shumë më ndryshe dhe e ndjeva temën dhe konceptin të përshtatshëm për një nga qytetet e mia të preferuara, Parisin”, tha Rihanna në një deklaratë të lëshuar më herët.
Për të gjithë ju fansat e “Bad Gal Riri”, ju do të jeni në gjendje që të shikoni koleksionin e “Fenty Puma” nga Rihanna përmes një LiveStream të mërkurën, më 28 shtator.
