Ricky Martin deklaroi zyrtarisht fejesën e tij me artistin arab, Jwan Yosef në emisionin “The Ellen DeGeneres Show”. Është hera e parë që 44-vjeçari, i cili doli hapur në 2010-n, foli për fejesën.
“Ai është një artist konceptual, kurse unë një koleksionist. Në kërkimet e mia artistike u njoha me punët e tij dhe u çmenda, sepse unë dashuroj çfarë ai bën. Shumë origjinal”, është shprehur Martin duke shtuar më tej se ka qenë vetë ai që e ka kontaktuar.
“Dhe më pas ti e bëre pjesë të koleksionit tënd”, ishte batuta e Ellen DeGeneres. “Në fakt ai e bëri,” është përgjigjur Martin duke thënë se: “Ne sapo jemi fejuar. Jam duke djersitur”.
Martin ishte nervoz kur propozoi. “U ula në gjunjë dhe nxora kutinë e vogël të metalit. E kisha futur në një qese të vogël kadifeje dhe në vend që të thosha “A do të martohesh me mua?”, thashë: “Të kam marrë diçka!” – tha këngëtari. “Ai mbeti pa fjalë…. Dua të kaloj gjithë jetën time me ty. Ai mbeti sërish pa fjalë. Cila është pyetja?” – më tha. “A do të martohesh me mua? Kjo është.” Ai e përshkroi propozimin si “shumë të bukur” edhe pse Yosef-it ju deshën 30 minuta që të thoshte: “Po”.
“Jam shumë e lumtur për ty. Ti e dëshiroje këtë”, i tha DeGeneres.
Burimi: Daily Mail
