Këngëtari i njohur, John Mayer duhej të riplanifikojë katër data të turneut të tij “Sob Rock” pasi rezultoi pozitiv me COVID-19 për herë të dytë.
“Shumë anëtarë të grupit rezultuan pozitiv me COVID-19 sot, dhe unë isha një prej tyre. Kjo do të thotë që ne duhet të riplanifikojmë katër shfaqjet e ardhshme, të cilat tashmë i kemi riplanifikuar dhe postuar më lart”, shkroi këngëtari, 44 vjeç, në Instagram.
Mayer kërkoi falje për shqetësimin e fansave të tij, por premtoi se do t’i kompensojë me një shfaqje të mrekullueshme. Ai gjithashtu shpjegoi se ky COVID, është më i fortë se i pari.
“Më vjen shumë keq që ju bëj të ndryshoni planet tuaja. Kjo është një e keqe për të gjithë në grup dhe ekuipazh, për të mos thënë asgjë për pyetjen që qëndron mbi kokën e të gjithëve – përfshirë edhe timen – se si rezultova pozitiv në PCR dy herë në dy muaj. Ne do t’ju japim gjithçka që kemi në këto shfaqje të ardhshme, sapo të pushojmë dhe të rigrupohemi. Me dashuri dhe vlerësim”, tha këngëtari.
View this post on Instagram
Performancat e artistit “Gravity” në PPG Paints Arena të Pittsburgh, Belmont Park, UBS Arena në NY dhe TD Garden të Bostonit janë shtyrë të gjitha për në fillim të majit.
Ai gjithashtu u infektua me COVID-19 në fillim të janarit, duke e detyruar atë të anuloi shfaqjen e Dead & Company në Meksikë.
