Mediat kosovare prej disa ditësh kanë transmetuar lajmin se këngëtarja Morena Taraku ka shmangur taksën doganore prej 14 mijë euro, duke manipuluar të dhënat për makinën luksoze.
Sipas kodit doganor, makinat e reja nuk i nënshtrohen një takse dhe për këtë arsye, këngëtarja ka deklaruar se makina e saj e tipit “Bentely” me vlerë 235 mijë euro është e re.
Dogana konstatoi më vonë se në fakt makina ishte regjistruar në Gjermani që në datën 22 korrik dhe ka kaluar 2,194 km, e për këtë shkak duhet të paguajë taksën.
Pak ditë më parë u tha se prokuroria kishte vendosur të mos e ndiqte penalisht rastin, por në një njoftim të bërë së fundmi nga Prokuroria Themelore në Prishtinë, thuhet se rasti i këngëtares është ende i hapur.
Sot, gazeta kosovare “Sinjali” ka treguar nga burime të sigurta se në policinë gjermane dhe në Interpol kjo makinë është raportuar si e vjedhur.
Për këtë arsye, policia e ka sekuestruar makinën “Bentley”, siç mund ta shihni në videon e mëposhtme.
