Rezarta Shkurta është bërë nostalgjike dhe ka postuar sot një video ku shfaqet duke performuar në skenën e “Këngës Magjike”, kur ishte vetëm 20-vjeç.
Nëpërmjet kësaj video dhe përshkrimit që ka lënë krahas saj Rezarta na ka treguar vështirësitë e fillimi të karrierës ku gjithçka duhej ta menaxhoje vetë. Madje edhe gjumin nuk e bënte rehat pasi ishte gjatë gjithë kohës duke menduar se si t’i realizonte performancat e saj në skenë.
Rezarta ka treguar se performancën e video-s që ka postuar në Instagram e ka realizuar duke u bazuar tek një ëndërr që kishte parë një natë më parë. Ishte zgjuar në mëngjes, e kishte vizatuar atë që kishte parë në ëndërr dhe më pas e kishte bërë realitet në skenë.
“20 vjeç , 11 vjet më parë dhe akoma më emocionon kjo performancë, të cilën e pash në ëndërr! Zgjohem në orët e para të mëngjesit, e vizatoj që të mos e harroja dhe më pas e bëra realitet tek #KëngaMagjike ?
Për të gjithë ata që se njohin botën e televizionit, për ne s’ka qenë asgjë e lehtë. Vetëmenaxhoheshim në ato vite të vështira ku nuk kishte rrjete sociale, suplemente gazetash apo Youtube, madje dhe telefonin e kishim vetëm për një zile… Punoja dhe në gjumë për të realizuar ëndrrën time!
Eh çfarë emocioni ti shohësh sot, dhe të kujtosh dhe prapaskenat, më duket sikur i rikthehem faqeve të një ditari!’, shkruan Rezarta në postimin e saj në Instagram.
