Edhe pse ka dy ditë që kur çifti Elgit Doda dhe Klea Huta zbuluan lidhjen e tyre, mediat ende vijojnë të shkruajnë dhe të zbulojnë ndonjë informacion më tepër në lidhje me ta.
Kështu mikesha e Elgitit, Rezarta Shkurta zbuloi një tjetër sekret në lidhje me ta. E ftuar në Pasdite në TCH”, Jonida e pyeti Rezin nëse vazhdon të ketë kontakte me miq dhe kolegë, të cilët i uron për prodhimet e tyre muzikore apo nëse ka miqësi me ta.
Pasi i përmendi disa emra me të cilët ka miqësi edhe jashtë profesionit, Rezi përmendi edhe emrin e Elgitit: “Elgitin, dihet që e kam mik të afërt…” – tha ajo.
Kaq u desh që Jonida të ndërhynte: “E ke uruar Elgitin?” – e pyeti ajo me të qeshur dhe pyetjes së Rezit “Për çfarë?” Jonida ia ktheu aty për aty: “Për lajmin që nga dje ka pushtuar të gjitha portalet” – për lidhjen me Klean, të cilën më në fund e bënë publike.
Dhe përgjigja e Rezit i ka çuditur të gjithë: “E kam uruar që para një viti, kur e mora vesh”, – tha ajo duke shtuar se tashmë edhe ajo zbuloi diçka që nuk e kishim ditur.
Kjo do të thotë që na paskan gënjyer në kaq shumë kohë!
