Rezarta Shkurta u bë e njohur fillimisht si Miss Durrësi, më vonë si këngëtare duke marrë pjesë disa herë tek “Kënga Magjike”, “Top Fest”, por edhe me disa klipe të suksesshme, siç ishte përshembull “Matura”.
Megjithatë viteve të fundit ajo i është dedikuar më tepër biznesit dhe përveç kësaj, siç e ka shprehur në rrjetet sociale, e ka vuajtur shumë mungesën e bashkëshortit Ermal Hoxha, i cili qëndroi për tre vite në burg pasi u arrestua si i dyshuar për përfshirje në një rrjet trafikimi droge.
Rezarta Shkurta ka në plan tashmë t’i kthehet muzikës, siç lajmëroi edhe në Instastory, duke iu përgjigjur pyetjes së një ndjekësi që i shkruan se i mungon muzika e saj.
“Jo më larg se dje, miqtë e mi Oen Nallbani, Besfort Puka dhe Aldi Zonja më bindën që këtë vjeshtë, të risjell një dashuri.”, tha Rezarta.
Kënga e saj e fundit u publikua tre vite më parë me një videoklip, një baladë e titulluar “Gjysma Ime”.
