Revoltohet këngëtari shqiptar: Muzikë me tekste bastarde

Vrasja tragjike e të riut Marvi Mihali ditën e djeshme solli një lumë reagimesh të forta në rrjete sociale nga njerëz të njohur e të panjohur për publikun e gjerë.

Një prej tyre është edhe këngëtari Sidrit Bejleri, i cili e ka ndërthurur këtë ngjarje të rëndë me mënyrën s si ndikon muzika tek të rinjtë duke krijuar një mënyrë jetese.

Lexo edhe :

“Që gjashtë vite nuk mund të dal jashtë Kosovës”, Fjolla Morina zbulon detajet e çështjes së saj ligjore

20:31 10/12/25

Nuk e dinte që do të hynte në “BBVK”, reagon vajza e Fjolla Morinës

16:23 10/12/25

Sidriti u bën thirrje prindërve që të kontrollojnë fëmijët për muzikën që dëgjojnë e nga e cila formohen, pasi iu serviret sipas tij muzikë me tekste bastarde nga njerëz që s’dinë të shkruajnë as emrin e tyre.

Bejleri thotë se kjo muzikë po shkatërron brezin e sotëm, por jo vetëm.

“Ju lutem prindër, kontrolloni fëmijët çfarë shohin dhe çfarë dëgjojnë, sepse këtu zë fill brumosja e tyre dhe ajo çfarë do bëjnë në të ardhmen”.

JU LUTEM VEMENDJE! Nuk është hera e pare që e them: Ju lutem prindër, kontrolloni fëmijët çfarë shohin dhe çfarë dëgjojnë, sepse këtu zë fill brumosja e tyre dhe ajo çfarë do bëjnë në të ardhmen. Po ju serviret “muzikë” që nuk është muzikë, nga njerëz që i thonë vetes “artistë”. Tekste bastarde që i “shkruajnë” tipa që dyshoj në dinë të shkruajnë edhe emrin e tyre. Kuptojeni një herë e mirë që ata duan të shesin “muzikën” dhe “tekstet” e tyre, por po shkatërrojnë brezin e sotëm dhe jo vetëm. Fëmijë dhe adoleshentë që këndojnë me shpirt llumin që përçohet nga tregtarë të shpifur që në thelbin e ditës së tyre kanë vetëm paranë, duke harruar se kanë fëmijë vete ose do kenë një ditë. Po na krijojnë modë dhunën, po na i thurin lavde drogës, prostitutave dhe lakuriqësisë. Po mundohen të na mbushin mendjen se e keqja është e mirë, se alkoli dhe droga të burrërojnë, se imoraliteti duhet të jetë kult i ditëve tona duke harruar që familja është e shenjtë dhe një ditë nuk do donin as ata që t’u cënohej. Sot gjykoj si prind, por edhe si një person që para pothuaj 20 vitesh isha në moshën e atij djali që mbrëmë ndërroi jetë nga një zënkë banale… Nuk do i uroja askujt të ishte në vendin e familjes së viktimës ose të vrasësit! Kontrollojini që në fëmijëri! Muzika është profesioni im dhe ndikon shumë, më besoni. Mesazhi i saj kthehet në mënyrë të jetuari dersa njeriu fillon dhe kupton realisht, pra piqet! Të gjithë duam më të mirën për fëmijët tanë. Gjërat e mëdha bëhen duke filluar nga të voglat! Drejtojini tek e Vërteta, larg gënjeshtrave të përditshme që gjenerojnë vetëm urrejtje dhe shkatërrim të vlerave! Helmimit të trupit edhe mund t’ja gjejmë ilaçin, por helmimi i shpirtit vetëm në një vend e ka shërimin… Me dashamirësi

A post shared by sidritbejleri (@sidritbejleri) on Aug 1, 2017 at 1:11pm PDT