Gjithçka ishte gati për intervistën e radhës. Këngëtarja Çiljeta Xhilaga ishte veshur me një kostum të zi elegant dhe një palë këpucë të zeza me takë, por diçka nuk shkoi siç duhej.
Gjatë xhirimeve të emisionit të ri në ABC News të Aulona Mustës dhe Fatma Haxhialiut, pati një incident mes tyre dhe të ftuarës Çiljeta Xhilaga. Në një video të publikuar nga “Prive”, duket Çiljeta teksa heq kufjen, u hakërrehet me fjalë fyese dy gazetareve dhe del nga studio.
Sipas “Prive”, Çiljeta u nervozua nga një pyetje e tyre, me gjasa për jetën e saj private. Fatma dhe Aulona kanë vendosur ta transmetojnë të gjithë videon të shtunën, për të treguar se nuk ka pasur asgjë tendencioze nga ana e tyre.
Deri më tani, Çiljeta nuk ka bërë asnjë reagim për incidentin në fjalë, ndërsa pritet që pas videos së plotë, ajo të sqarojë përse u largua në mes të emisionit.
