Një shkrim i një gazetareje është bërë shkas që Aurela Gaçe të revoltohet.
Diva e muzikës shqiptare, duket se është mërzitur që është shkruar për të se, teksa bën palestër, nuk ka sjellë për publikun shqiptar asnjë projekt të ri.
Gaçe ka shkruar një status të gjatë, ku i kujton gazetares 2 këngët e saj të publikuara në tre muaj.
Këngëtarja nga Vlora vazhdimisht poston video nga palestra ku tregon sesa shumë po përpiqet të kthehet sërish në formë. Dhe fakti që ajo përmendet në shkrim më tepër për palestrën dhe jo për projektet muzikore, nuk i ka pëlqyer këngëtares, e cila i thotë gazetares me humor: Më mirë mos ta di kush je se do të të kthej në thes për stërvitje:
“Ooo motra… Mirë që bëni lajm që unë qëlloj thesin, por të paktën mos keqinformoni për punën sepse djersën time s’ja fal askujt të ma fshijë me gomë.‘Aurela ka disa kohë që s’ka sjellë projekte të reja.’- thotë artikulli… O të plaçin sytë, po këto çfarë janë? 3 muaj më parë edhe 1 muaj më parë i kam bërë këto këngë me shumë djersë e kohë e të holla, e për pak ditë vjen tjetra këngë. Mos do nga një në javë ti motra? Po që i bie thesit unë e paske marrë vesh ti, projektet jo? Kush ju punëson juve moj xhaneeeeee… Kush? Më mirë mos ta di kush je, se do të të kthej në thes për stërvitje. Edhe diçka e dashur. “Live” në thonjëza shkruhet për ata që e kanë me thonjëza live-in. Kapish moj motra. Unë jam live prej vërteti, pa thonjëza, o motra.”,– ka shkruar këngëtarja.
