Një listë e përvitshme e 50 restoranteve më të mirë në botë është rikthyer, dhe për herë të parë, një qytet kryesoi dy vendet e para.
Dy restorante në Kopenhagën të Danimarkës, Noma dhe Geranium u renditën përkatësisht në vend të parë dhe të dytë, në ceremoninë e ndarjes së çmimeve “50 Restorantet më të Mirë në Botë” e mbajtur të martën në Antwerp, Belgjikë.
Kjo është hera e pesë që Noma kryeson listën që nga viti 2010, restorant pas të cilit fshihet kuzhinieri me famë botërore me origjinë shqiptare Rene Rexhepi, nga Tetova (René Redzepi).
Që nga fillimi i klasifikimit në vitin 2002, restorantet europiane dhe herë pas here ato amerikane kanë marrë vlerësimin e restorantit më të mirë në botë.
Renditja vjetore, e cila organizohet nga William Reed Media me qendër në Mbretërinë e Bashkuar, nuk u publikua vitin e kaluar për shkak të pandemisë.
Noma – “Restoranti më i mirë” në botë – përsëri
E drejtuar nga kuzhinieri Rene Redzepi, Noma është e njohur për “kuzhinën nordike” që mbështetet në ushqimet e farkëtuara dhe të fermentuara.
Redzepi prodhon tre menu çdo vit, sezonin e oqeanit, sezonin e perimeve dhe sezonin e pyjeve, kjo e fundit aktualisht po shërbehet për 2,800 korona daneze (436 dollarë) për person. Kombinimi i verës ka një shtesë prej 280 dollarësh. Menutë brenda çdo “stine” ndryshojnë, dhe asnjëherë dy përvoja në restorant nuk janë e njëjta.
Noma jo rastësisht cilësohet si restoranti më i miri në botë. Më herët gjatë këtij viti restoranti u vlerësua me tri yje ‘Mishelin’.
Cilat janë 20 restorantet më të mirë në botë për vitin 2021?
- Noma – Kopenhagë, Danimarkë
- Geranium – Kopenhagë, Danimarkë
- Asador Etxebarri – Atxondo, Spanjë
- Central – Lima, Peru
- Disfrutar – Barcelonë, Spanjë
- Frantzen – Stokholm, Suedi
- Maido – Lima, Peru
- Odette – Singapor, Japoni
- Pujol – Mexico City, Meksikë
- The Chairman – Hong-Kong, Kinë
- Den – Tokio, Japoni
- Steirereck – Vjenë, Austri
- Don Julio – Buenos Aires, Argjentinë
- Mugaritz – San Sebastian, Spanjë
- Lido 84 – Brescia, Itali
- Elkano – Getaria, Spanjë
- A Casa Do Porco – S Paulo Paulo, Brazil
- Piazzo Duomo – Alba, Itali
- Narisawa – Tokio, Japoni
- Diverxo – Madrid, Spanjë. (Lista e plotë)/ CNBC
