Shirat e orëve të fundit në kryeqytet kanë lënë pasojat e para.
Në “Misto Mame”, afër kthesës së rrugës “Besim Alla”, është e përmbytur pjesa e rrugës që të çon për në mbikalim dhe policia ka ndaluar transportin e automjeteve.
“Iconstyle.al” ka siguruar një video nga vendngjarja, ku shihet se një pjesë e rrugës është përmbytur duke bërë të pamundur kalimin e mjeteve të transportit publik.
Burimet e para bëjnë me dije se shkak besohet të jetë bërë një bllokim i kanalizimeve, gjë që përbën një problem që ka qenë prezent gjithnjë në Tiranë.
Aktualisht rekomandohet që të shmanget kjo pjesë e rrugës nga automjetet dhe këmbësorët e cila mbetet e pakalueshme.
