Qarku i Korçës është përfshirë nga reshjet e dëborës.
Ardhja e masave ajrore me origjinë polare ka sjellë motin e ftohtë me vranësira të shpeshta dhe reshje dëbore në pjesën më të madhe të territorit shqiptar.
Qyteti i Pogradecit gjithashtu është zgjuar nën petkun e dëborës.
Deri në këto momente nuk raportohet për probleme me qarkullimin në këtë qark, por dëbora vijon dhe pritet që trashësia e saj të rritet.
Ndërkohë mali i Dajtit në kryeqytet është përfshirë nga reshjet e dëborës, por mbasdite parashikohen rreshje të dendura shiu.
Meteoalb raporton se mesdita sjell përmirësim të përkohshëm të motit për të ri-kthyer sërish reshjet e dëborës gjatë mbrëmjes dhe natës në zonat malore.
Në qarkun e Dibrës, trashësia e dëborës në rrugë ka bërë që të krijohen probleme me qarkullimin, gjithashtu dhe mungesë të energjisë elektrike në fshatrat Trebisht, Zeqan e Tërnovë.
Temperaturat e ajrit ulen ndjeshëm në vlerat minimale dhe maksimale duke u luhatur nga -7°C mëngjesi në zonat malore, deri në 11 °C mesdita në zonat e ulëta dhe bregdet.
Era do fryjë e fortë, ku në det shpejtësia i kalon 80 km/h nga drejtimi Verior duke krijuar në det dallgëzim 7 ballë.
