Sarah Malaj, që cilësohet si e vetmja repere femër në Shqipëri, duket se shumë shpejt do të pushtojë mediat, jo vetëm për muzikën, por edhe për bukurinë.
E ftuar në emisionin “Zonë e Lirë” për të prezantuar këngën më të re, “Put you on”, ajo tregoi arsyen pse kishte zgjedhur që të mos bënte vetëm rep.
“Nuk doja të eksperimentoja aq shumë, nuk e dija si do ta priste publiku”, u shpreh Sarah.
Pavarësisht se jeton prej vitesh në Greqi, ajo ka vendosur që kohën më të madhe ta kalojë në vendlindje, ku po i përkushtohet edhe projekteve në muzikë.
Pavarësisht se ishte veshur me një fustan ngjyrë gurkali, që tregonte linjat, ajo që i tërhoqi më shumë vëmendjen moderatorit Arjan Çani ishin karficat e zeza, të cilat mungonin gjatë emisionit.
Ai tregoi një detaj nga takimi i parë që pati me Malajn, prej të cilit mbante mend detajin e karficave të zeza në pjesën e përparme të flokëve.
“Pse nuk i ke vendosur ato karficat e zeza në mes të flokëve të bardhë. E di kush mu kujtua kur t’i pashë? Gjyshja ime”, u shpreh Çani.
Reperja kishte zgjedhur që karficat e zeza t’i zëvendësonte me ato ngjyrë floriri, të cilat i kishte vendosur anash flokëve.
