Nicki Minaj i ka dhënë fund beqarisë me të dashurin e saj, Kenneth ‘Zoo’ Petty, i akuzuar më herët për sulm seksual.
Reperja 36-vjeçare, hyri të hënën në Instagram dhe publikoi një klip, përmes të cilit u tregoi fansave të saj se ajo dhe 41-vjeçari Petty kishin lidhur kurorë.
Këngëtarja e hitit “Anaconda” shkroi:
“Onika Tanya Maraj-Petty 10 • 21 • 19”, ndërsa në video shfaqeshin dy kapele me termat “Nusja” dhe “Dhëndri”.
Nicki ka thënë më parë në një intervistë në mars për The Shade Room se gjithnjë e ka ëndërruar një dasmë të madhe dhe të bukur.
“Gjithmonë e ëndërroja përrallën. Por gjërat që për mua kishin rëndësi më parë, nuk kanë të njëjtën rëndësi tani… Unë jam çmendurisht e dashuruar me këtë njeri, ai është gjithashtu shoku im më i mirë”.
Duket sikur Nicki ishte e sigurt se do të martohej që në mars, vetëm katër muaj pas fillimit të romancës së tyre, kur ajo iu referua atij si “burri i saj”.
Kur ishte 16 vjeç, në vitin 1995, Petty u dënua për tentativë përdhunimi në lidhje me një incident të ndodhur më 16 shtator 1994 në Queens.
