Ai është një nga reperat më të njohur në vendin tonë dhe si i tillë Genc Prelvukaj njihet për disa hite në karrierën e tij muzikore.
Vetëm para pak ditëve Genci ka sjellë në bashkëpunim me Lyrical Son këngën “Andërr”.
Kënga u prit shumë mirë nga fansat dhe ka marrë me mijëra klikime deri tani, por duket se ka pasur edhe kritikë ndaj kësaj kënge.
Genci ka treguar se i kanë mbërritur mesazhe kritikuese që në këngë është përdorur përpunimi me autotune dhe muzika është më lart se vokali.
Por reperi ka reaguar menjëherë me një postim ironik në Instastory ku shkruan: “Në çfarë bodrumi i keni studiot, se pas 15 viteve punë në studiot tona, po e ndërroj e po vij. Të vjetrit kanë thënë që shkencëtarët si ju i duhen kombit, e duhet i madh e i vogël me ju marr shumë seriozisht. E kam ditur gjithmonë që edhe pse s’keni më shumë vjet, keni potencial gjenial”.
“Ju s’jeni për këtu, jeni për punë e shtete të mëdhaja, shokë. Veprat tuaja kishin me u ligjëru në akademitë më të mëdhaja në botën e muzikës, veç që s’keni kohë me i kriju ato. Kritikat tuaja kanë substancë, kanë vlerë, kanë filozofi brenda. Ju jeni të pazëvendësueshëm. Veç një problem e kam unë, që s’jua mbajta mend emrat. Do t’ja zërë frymën xhelozia disa njerëzve.”- kështu e ka mbyllur shkrimin e tij reperi.
