Reperi i njohur shqiptar, Dardan Mushkolaj, i cili jeton prej vitesh në Gjermani është mjaft aktiv në rrjete sociale.
Së fundmi, ai ka marrë vëmendjen e të gjithëve pas një veprimi të veçantë që i ka bërë të gjithë të lumturohen.
Mushkolaj planifikoi një propozim romantik për të dashurën e tij, Hava, në një vendndodhje mjaft të veçantë, gjatë pushimeve në Dubai.
Lajmi është bërë i ditur nga vetë ata, përmes një postimi në rrjetin social “Instagram”.
Dyshja ka pozuar në shkretëtirë, ku të dy duken të lumtur e të buzëqeshur, ndërkohë që partnerja e Dardanit, Hava, tregon unazën në dorë, dhe një buqetë të bukur me lule.
“Unë thashë PO”, ka shkruar ajo në gjuhën gjermane.
Në komentet e fotos së postuar, nuk kanë munguar komplimenta dhe mbështetje për çiftin.
View this post on Instagram
Dardan Mushkolaj, shqiptari nga Deçani i cili njihet gjithashtu me emrin “Mister Dardy”, ka patur një sukses të jashtëzakonshëm me këngët e tij dhe bashkëpunimet e tij, të cilat janë hite të preferuara si për publikun shqiptar, ashtu edhe për atë gjerman.
Jo më shumë se një muaj më parë, Dardan ka publikuar këngën e tij me HAVA të titulluar “High”. Kjo këngë është pëlqyer shumë nga publiku, që e mbështet dyshen në çdo hap.
