Një ditë me fat ka qenë e hëna për reperin e njohur amerikan, Post Malone, i cili është përballur me një histeri nga ndjekësit e rrjeteve sociale, pasi i shpëtoi mrekullisht një aksidenti ajror.
Avioni i tij privat u detyrua të bënte një ulje emergjente, ndërsa reperi po udhëtonte për në Britaninë e Madhe për të marrë pjesë në Festivalet Reading dhe Leeds.
Avioni ishte në fluturim nga Teterboro i New Jersey-t për në aeroportin e Lutonit, kur thuhet se i shpërthyen dy goma.
Mjeti devijoi udhëtimin duke bërë ulje emergjente në aeroportin ndërkombëtar të New York Stewart, në Newburgh.
Duke shkruar në Tëitter, Post Malone falënderoi njerëzit për lutjet e tyre, por tha se nuk mund të besonte “sesa shumë njerëz i dëshironin vdekjen”.
Administrata Federale e Aviacionit konfirmoi se avioni i G-IV kishte zbritur në mënyrë të sigurt dhe do të hetonte incidentin.
