Vendi ynë po kalon një situatë goxha të vësjtirë dhe sikurse pritej, vjeshta erdhi së bashku me rritjen e rasteve të reja.
Ditën e djeshme MSH raportoi 311 persona të infektuar dhe 6 viktima, teksa në total nga nisja e epidemisë numërohen 20,040 të prekur dhe 493 humbje jete. Ndërkohë, në spitalin Infektiv dhe “Shefqet Ndroqi” po trajtohen 289 pacientë, 11 në terapi intensive nga të cilët 5 pacientë janë të intubuar.
Teksa përditësimi i tëdhënave pritet të bëhet në vijim, ka gjasa që të raportohen sërish shifra rekord. Kjo pasi mediat nga fotografitë dhe pamjet e dokumentuara në spitalin Infektiv ditën e sotme kanë paraqitur një situatë me të vërtetë kaotike.
6 autoambulanca kanë mbërritur në të njëjtën kohë tek Urgjenca e Spitalit për të transportuar pacientë me Covid-19, të cilëve iu nevojitet trajtim edhe më i specializuar.
Edhe pse propaganda thotë dhe trumpeton se janë në gatishmëri të plotë spitalet Covid-3 dhe Covid-4 dhe se ka kapacitete të plota, terreni thotë krejtësisht të kundërtën.
Mëposhtë janë edhe disa nga njoftimet zyrtare të Ministrisë së Shëndetësisë përgjatë ditëve të fundit, ku shihet qartë në bazë të dhënave se numri i shtretërve lëviz gjithmonë brenda marzhit 250-285.
