Këtë sezon të ri televiziv, emisioni “Hell’s Kitchen” i shefit të kuzhinës, Renato Mekollit, do të vijë me ndryshime të mëdha.
Më herët ai kishte lajmëruar se krah vetes do të kishte një brune dhe një bjonde, ndërsa emrin e kësaj të fundit e zbuloi disa ditë më parë.
Bjondia e cila do të jetë krah Renato Mekollit është një nga konkurrentet e edicionit të parë të “Hell’s Kitchen”, Ani Alku.
Ndërsa pak më parë, shefi i kuzhinës ka zbuluar edhe emrin e vajzës brune, e cila gjithashtu nuk është e panjohur për publikun.
Bëhet fjalë për Albana Dulellarin, që shumë prej nesh mund ta mbajnë mend si Albana e “Masterchef”.
Ajo i ka thënë “Po” kërkesës së Renatos për të qenë krah tij këtë sezon të ri televiziv.
View this post on Instagram
“E mbani mend besoj që ju kam thënë se këtë herë krah meje, në Kuzhinën e Ferrit, si ndihmës shefe do të kem dy vajza. Një bjonde e një brune. Të parën, Anin, e zbulova pak ditë më parë. Sot është dita të flasim për tjetrën, atë që e ka treguar me prova e shpirt se mund të jetë krahu im i djathtë. Shumëkush e njeh si Albanën e famshme të Masterchef-it, shumë të tjerë si mjeshtren në restorantet e ndryshme ku ajo ka punuar e punon. Unë e njoh shumë më shumë, si duarartën dhe vajzën energjike,shumë vite pranë meje në Greqi,por edhe ketu në Restorantin tim dhe të të gjithëve në Tiranë, në “Umami restaurant by Renato Mekolli” dhe e dua patjetër në Hell’s Kitchen. Edhe ajo tha “Po” e do të jetë me ne në këtë edicion, që mezi po e presim të gjithë…”- shkruan Renato krahas fotos së Albanës.
Kujtojmë se “Hell’s Kitchen 2” do të nisë transmetimin në muajin tetor.
