Regjistrohet viktima e dytë nga COVID-19 në Kosovë

Ditën e sotme është regjistruar viktima e dytë për shkak të virusit Covid-19 në Kosovë.

Një burrë 47-vjeçar i cili ishte shtruar në dializën e spitalit të Leposaviqit në Veri të Kosovës, ka ndërruar jetë teksa transferohej në një spital në Nish të Serbisë.

Lexo edhe :

Dea Mishel shpërthen ndaj Zegjine Çaushit: “Nuk di të numërojë, nuk di të shkruajë shqip”, deputetja i përgjigjet: “Të bësh ironi ti, shëmtirë…”

08:17 09/06/26

Mos kërkoni protestë perfekte, kërkoni protestë të madhe!

11:03 08/06/26

Ky lajm është bërë i ditur nga Drejtori i Zyrës për Kosovën në Qeverinë e Serbisë, Marko Gjuric.

Gjendja shëndetësore e 47-vjeçarit është rënduar dhe ai është bërë personi i dytë që humb jetën në Kosovë për shkak të koronavirusit.

Deri tani, numri i të infektuarve në Kosovë ka shkuar në 125, mes tyre edhe një foshnje 5 muajshe, gjendja e të cilës ende nuk dihet.

Ndërkohë, në vendin tonë numërohen 277 persona të infektuar me Covid-19 dhe 16 persona kanë ndërruar jetë.

Mes të prekurve me koronavirus janë dhe 8 fëmijë.