Grupet në telegram janë kthyer në shqetësim për qindra vajza, të cilat pëballen me shantazhe apo edhe ngacmime të ndryshme, pasi në ato grupe shpërndahen numrat e telefonit apo fotot e tyre nga ish të dashur apo djem të cilët janë të fiksuar pas tyre.
Një rast i tillë ka mbërritur së fundmi në redaksinë e JOQ Albania. Një i ri, i cili ka ngacmuar prej kohësh një vajzë nga Durrësi, pasi është përballur me refuzimin e saj, ka vendosur që numrin e telefonit të saj ta shpërndajë në një grup që ka më shumë se 42 mijë anëtarë.
Pas këtij veprimi në telefonin e vajzës kanë mbërritur dhjetra mesazhe nga djem të ndryshëm, të cilët kërojnë të njihen me të. Ajo thotë për JOQ se kjo është kthyer në një shqetësim për të.
