Vrasja e studentes 21-vjeçare greke, Eleni Tupaludhi, javën e kaluar shokoi opinionin publik, ndërsa tashmë dy autorët pranuan krimin e rëndë.
Një 19-vjeçar shqiptar dhe një 21-vjeçar grek pohuan se ishin ata autorët e vrasjes që ndodhi në ishullin Rodos, mbrëmjen e 27 nëntorit.
Trupi i viktimës u gjet në shkëmbinjtë e bregdetit një ditë më pas, thuajse e zhveshur, ndërsa u identifikua më 29 nëntor.
Të hënën policia e Rhodes mori në pyetje dy të akuzuarit, të cilët treguan sesi kishte rrjedhur ngjarja.
Sipas burimeve policore, dy të rinjtë e morën studenten nga shtëpia e saj të martën, 27 nëntor, në vijim shkuan në shtëpinë e njërit prej tyre, ku mesa duket kërkuan akte seksuale të cilat vajza i refuzoi. Gjatë sherrit e qëlluan në kokë me armë të ftohtë dhe kujtuan se humbi jetën. Ata e hodhën te shkëmbinjtë në det për t’u dukur si aksident apo vetëvrasje.
Mjekët ligjorë theksuan se viktima në fakt kishte humbur ndjenjat dhe vdekja u shkaktua nga mbytja në det. Sipas burimeve policore, dy të akuzuarit i hedhin fajin njëri-tjetrit, ndërsa avokatët nuk u lejuan të marrin pjesë në seancën e djeshme.
Vajza vinte nga një familje arsimtarësh grekë, madje i ati është nënkryetar i Bashkisë së zonës.
