Ditën e sotme në një nga rubrikat e emisionit “E Diell” ka qenë i ftuar këngëtari i mirënjohur, Shpat Kasapi.
Teksa po zhvillonte bisedën në studio, ai u fut në “kurth” nga stafi i programit. Atij iu tha se gjoja bashkëshortja e tij, Selvija do të hynte në shtëpinë më të famshme në Shqipëri.
Në momentin që Ervin Kurti i tha se cila ishte arsyeja pse ai ishte i bindur që Selvija nuk do të bëhej pjesë e “Big Brother Vip”, Shpati tregoi se ai e njeh shumë mirë atë, por edhe nëse ajo do të donte që të hynte në shtëpinë e “vëllait të madh”, këngëtari pohoi se nuk do ta pengonte.
Pasi u zbulua loja e fshehtë, artisti na zbuloi një “sekret” dhe në batutë e sipër tha:
“Edhe mua më kanë ftuar në ‘Big Brother Vip’, por e refuzova se nuk më la Selvija. Kështu që, kur ajo s’më la mua, si do futej vetë?”
Para pak javësh, Shpat Kasapi zbuloi se ai dhe partnerja e tij, Selvija, janë në pritje të fëmijës së tyre të parë. Çifti e kishin shprehur prej kohësh këtë dëshirë, e cila u bë shumë shpejt realitet.
Po ashtu, së fundmi ata zbuluan dhe gjininë e bebit, duke ndarë me të gjithë lajmin e bukur se së shpejti do të bekohen me një djalë.
