Këngëtari Redon Makashi mori pjesë në Festivalin e RTSH-së me këngën “Ekziston”. Një këngë e ndjerë dashurie me tekst të Timo Fllokos, e cila i qëndronte besnike stilit muzikor të kantautorit. “Ekziston” u vlerësua me çmim të dytë nga juria e festivalit të 56-të.
Pavarësisht se Redobni pati incidente teknike në hyrje të këngës në të dy netët kur këndoi, përsëri kënga u mirëprit nga publiku. Ajo që na habiti të gjithëve ishte se pasi fitoi çmimin, vetë Redoni nuk doli në skenë të përshëndetej me publikun, por preferoi ta festonte në heshtje çmimin.
Dje Redoni ka vendosur të reagojë nëpërmjet një statusi në “Facebook”, ku shpreh zhgënjimin e tij për këtë kompeticion muzikor. Kënga e tij përfaqësuese, siç shkruan Redoni “është vrarë” në këtë garë muzikore pikërisht për arsye se ai zgjodhi ta sjellë në festival.
“Kjo këngë lindi ashtu nga unë , u vesh aq bukur e me fines nga orkestrimi i Genti Myftarait , filloj të flas me vargjet e Timo Flokos …. Kështu që filloj të ec me këmbët e saj e të rritet ashtu ngadalë ngadalë në rrugët e panjohura me njerëz që e duan dhe e poshtërojnë me ata që e puthin e ata që e pështynë gjithsesi tani doli në jetë e do ec vetë …. Po për një gjë me vjen keq , e vrava me duart e mija pa lindur mirë. Shkela mbi një parimin tim që isha betuar që kurrë nuk do merrja pjesë nëpër konkurrime e festivale po thjesht do isha një spektator i mirë i tyre JU DUA …..”,- shkruan Redon Makashi në “Facebook.”
