Victoria Beckham i dha lamtumirën e fundit, redaktores së revistës “Vogue” Italia Franca Sozzani, në një ceremoni që u mbajt në nder të saj në Milano. Dizajnuesja ishte veshur me një nga krijimet e saj , nga koleksioni vjeshtë/dimër 2017, që u prezantua në Londër dy javë më parë.
Ajo ishte mikeshë e ngushtë me redaktoren dhe bashkë kishin punuar për vite me radhë. Në një foto të publikuar në Instagram, Victoria shkroi:
“Kam pasur privilegjin të kaloj kohë me Francën gjatë viteve. Nuk ka qenë një kohë e mjaftueshme pas kësaj ndodhie të trishtueshme. Sa herë që unë isha me të, magjepsesha nga forca e karakterit, puna e saj e bamirësisë, vizioni i saj krijues. Ajo më inkurajoi mua dhe më frymëzonte sa herë që flisnim”. “PREHU NE PAQE”.
Franca Sozzani vdiq në dhjetor në moshën 66-vjeçare, pas një sëmundje prej të cilës vuante prej kohësh. Në ceremoninë përkujtimore të saj morën pjesë emra të njohur të modës, dhe të famshëm si Giorgio Armani, Donatella Versace, Valentino Garavani, Carla Bruni, Kate Moss, Naomi Campbell, Eva Herzigova, Rita Ora etj.
*Shfleto galerinë
