Pesë persona u vranë në rajonin kurd të Iranit të hënën kur forcat e sigurisë hapën zjarr gjatë protestave për vdekjen e një 22-vjecare në paraburgim nga policia, tha një grup kurd i të drejtave të njeriut, në ditën e tretë të trazirave mbi një incident që ka ndezur zemërimin mbarëkombëtar.
Mahsa Amini, një 22-vjeçare nga provinca e Kurdistanit të Iranit, ra në koma dhe vdiq pas arrestimit të saj në Teheran javën e kaluar nga policia, duke ndezur demonstrata e protesta në shumë zona, përfshirë kryeqytetin.
Dy nga personat u vranë pasi forcat e sigurisë hapën zjarr ndaj protestuesve në qytetin kurd të Saqez, vendlindja e Amini-t, tha Organizata për të Drejtat e Njeriut Hengaw në Twitter.
Ai tha se dy të tjerë u vranë në qytetin e Divandarreh “nga zjarri i drejtpërdrejtë” nga forcat e sigurisë dhe i pesti u vra në Dehgolan, gjithashtu në rajonin kurd.
Në dënimet mbarëkombëtare për vdekjen e Amini, hashtagu #MahsaAmini arriti gati 2 milionë përmendje në Twitter.
Policia ka thënë se Amini u sëmur teksa priste me gra të tjera të mbajtura nga policia, e cila zbaton rregulla strikte në Republikën Islamike që u kërkon grave të mbulojnë flokët dhe të veshin rroba të lirshme në publik.
Mirëpo protesta vijojnë sërish. Mësohet se 4 policë kanë mbetur të plagosur nga plagët e mëdha që kanë marrë gjatë protestës së dhunshme si dhe një ‘asistent policor’ vdiq.
Tashmë shumë gra dhe vajza kanë djegur hixhabin në mes të rrugëve në shenjë proteste.
Ndërkohë dje u arrestuan 15 protestues në Shiraz.
