Real Madrid mposht Borussia Dortmund, fiton për herë të 15-të Champions League

Real Madrid vendos një rekord të ri në Champions League, duke fituar trofeun e 15-të të këtij kompeticioni, si askush tjetër deri më tani.

Ekipi i Carlo Ancelotti-t mposhtin me rezultatin 0-2 Borussia Dortmund-in në “Wembley” në një finale që rezultoi shumë e luftuar.

Pjesa e parë u dominua dukshëm nga gjermanët, të cilët i shkuan shumë pranë golit me shtyllën e Fullkrug dhe Adeyemi-n që u ndalua nga Courtois, megjithatë ky fraksion u mbyll me porta të paprekura.

Teksa në pjesën e dytë “Los Blancos” u shfaqën disi më kërkues dhe ia dolën që të gjenin rrugën drejt rrjetës në minutën e 74’, ku pas asitit të Kroos, Carvajal shënoi me kokë dhe zhbllokoi finalen.

Teksa në minutën e 83’, duke shfrytëzuar pakujdesinë e mbrojtjes së “verdhezinjve” Vinicius shënoi golin e dytë për Real-in, pas asitit të dhuruar nga Bellingham.

Dortmund provoi të reagojë dhe gjeti rrugën drejt rrjetës me Fullkrug në minutën e 87’, por menjëherë pati sinjalizim për pozicion të parregullt.

Lexo edhe :

E rëndë në Maliq/ Dy të miturit përleshen me thika në lokal, vdes 14-vjeçari

Ngjarje e rëndë në Lezhë: humb jetën 42-vjeçari, ndërron jetë edhe nëna e tij pas tronditjes emocionale

12:34 20/12/25

Çmimet Oscar largohen nga ABC, YouTube merr transmetimin global nga viti 2029

12:13 20/12/25

Vlen të theksohet se kjo ishte ndeshja e fundit me fanellën e Real Madrid-it për Toni Kroos, kjo për shkak se pas EURO 2024 gjermani do të tërhiqet nga futbolli.

Teksa nga ana Borussia Dortmund kjo ishte e fundit sfidë për Marco Reus, që nuk do të luajë më për “verdhezinjtë”.

0-2 dhe Real Madrid fito trofeun e 15 të Champions League, teksa Borussia Dortmund nuk ia doli të rikthehej te suksesi i finales së 1997-ës.