Michael Douglas u shpreh dy ditë më parë se miku i tij Val Kilmer ishte duke luftuar me kancerin në fyt, por Kilmer mohoi menjëherë këtë deklaratë përmes një postimi të bërë në rrjetin social “Facebook”.
Kilmer sqaroi se hera e fundi që ka komunikuar me Douglas ka qenë rreth dy vite më parë, kur ai po kërkonte një referencë mjekësore për një kokërr të çuditshme të dalë në fyt.
Aktori vijoi më tej duke sqaruar se pasi është vizituar tek një specialist ai nuk ka rezultuar i sëmurë me kancer dhe gjithashtu ka ftuar mikun e tij ta takojë “live” për të parë gjendjen e tij shëndetësore.
“E dua Michael Douglas, por ai është i dezinformuar. Pavarësisht arsyes që e bëri Michael Douglas të spekulojë rreth shëndetit tim, ai është një mik i kujdesshëm dhe i dashur, kështu që jam i sigurt se qëllimi i tij nuk ishte të më dëmtonte mua”, shkruan Val.
Burimi: Daily Mail
