Alban Skënderaj ishte i ftuar sot në emisionin e mëngjesit “Wake Up” ku zbuloi disa detaje mjaft interesante nga jeta e tij. Ai është një ndër këngëtarët më të pëlqyer shqiptar dhe këngët e tij dëgjohen në çdo ambient.
Por si reagon Albani kur dëgjon këngët e tij në ambiente publike dhe është nën shoqërinë e njerëzve të tjerë.
“Kur jam në makinë dhe jam vetëm ndonjëherë e ngre zërin e radios, por kur jam me njerëz e ul sepse vihem në siklet. Më ka ndodhur dhe të jem në lokal dhe i kam thënë kamerierit ule zërin se është turp. Kur shkoj diku dhe vendosin një këngë timen në shenjë respekti, nuk e di për mua është kulmi”, tregoi Albani.
Një modesti e madhe kjo nga ana e Albanit, një ndër këngëtarëve më të pëlqyer shqiptar, duke ditur që biletat e koncertit recital që ai do të mbajë në muajin mars u shitën brenda një ore.
